Ахсынньы 13 күнүгэр Мэҥэ Хаҥалас улууҺун Майа сэлиэнньэтигэр «Тыа сирин култуурата: тускулааҺын, торумнааҺын, түстээҺин» диэн Илин Эҥэрдээҕи култуура үлэҺиттэрин бастакы метод. семинара ыытылынна. ТэрээҺин биир хайысхатынан түмэл үлэҺиттэригэр аналлаах «Кыраайы үөрэтии, история уонна култуура өйдөбүнньүктэрэ, геокультурнай туризм» диэн семинар буолла. Семинары Р.Г. Васильев аатынан кыраайы үөрэтэр түмэл дириэктэрэ Михаил Иванович Масаха иилээн саҕалаан ыытта. Илин Эҥэр улуустарыгар история уонна култуура өйдөбүнньүктэрин харыстааҺын, реестрга киллэрии, сөргүтүү туҺунан СӨ өйдөбүнньүктэрин харыстыыр Департамент салайааччыта Николай Афанасьевич Макаров сырдатта. Емельян Ярославскай аатынан хотугу норуоттар историяларын уонна култуураларын Саха сиринээҕи холбоһуктаах судаарыстыбаннай түмэлин сотруднига Василий Васильевич Попов Кулун Атах культуратын ырытта. Ону таҺынан түмэл үлэҺиттэрэ Таатта уонна Мэҥэ Хаҥалас улуустарын историятын кэрэҺэлиир өйдөбүнньүктэри, Ытык сирдэри хараанныыр, үйэтитэр сыаллаах ыытыллар үлэлэри билистилэр. Семинар түмүктүүр чааҺыгар маастар кылаас ыытылынна, инники үлэ торумнанна.
