Таҥха таайтарыылаах кэмигэр былыр өбүгэлэрбит инникилэрин тымтыктанан көрөллөрө, ону таҺынан арчыланан, ыраастанан, санаалыын чэпчээн үүммүт сылга үктэнэллэрэ.
Улуус түмэлигэр дьон-сэргэ «Алгыстаах чүмэчи» — маастар кылааска муҺунна.
ТэрээҺин дыргыл сыттаах боҕуруоскай отунан ыраастаныыттан саҕаланна. «Олоҥхо Дьиэтэ» этнокультурнай киин специалиҺа Ньургуйаана Никитина Таҥха кэмигэр саха итэҕэлинэн туох сиэр-туом тутуҺуллуохтааҕын сырдатта. Кини дьүрүскэн тыастаах хомуҺа кэлбит ыалдьыттар санааларын сааҺылаата 
.
Маастар кылааҺы түмэл методиҺа Оксана Прядезникова иилээн-саҕалаан ыытта. Ол курдук, хас биирдии ыалдьыт 
Алгыстаах чүмэчини хайдах оҥорорго үөрэннэ, ону таҺынан Сахабыт сиригэр үүнэр оттору дьиэҕэ-уокка, күннээҕи олоххо хайдах туҺаныахха сөбүн туҺунан сүрдээх кэрэхсэбиллээх кэпсээни истэн, астынан-дуоҺуйан тарҕастылар 
