Тохсунньу 23 күнүгэр, Кулантай аатынан түмэлгэ «Илиинэн сурук» күнүгэр анаан «Умсулҕан» коллекционердар кулууптарын чилиэннэрэ ветеран педагог Елизавета Федоровна Сивцева уонна Мария Михайловна Борисова Чараҥ орто оскуолатын үөрэнээччилэригэр уонна бөһүөлэк олохтоохторугар анаан перо уруучуканан суруйууну билиһиннэрдилэр, кэпсээтилэр. Бурцева Клара Гаврильевна уонна Сивцева Елизавета Федоровна коллекцияларыттан урукку кэмнээҕи перолар, авторучкалар, тэтэрээттэр быыстапкаҕа туран дьон кэрэхсэбилин ыллылар. Кэлбит дьон сэргээн тарҕастылар.
