Саха Өрөспүүбүлүкэтигэр Үлэ сылынан биллэриллибит 2023 сыл саҥатыттан саҕалаан турбут «Үлэнэн уруйдан Уус Алдан!» диэн урукку сылларга биһиги оройуоммутугар үлэлээн-хамсаан, олорон ааспыт, билигин даҕаны этэҥэ сылдьар араас идэлээх үлэ дьонун көрдөрөр хаартысканан быыстапкабыт үгүс дьон сэҥээриитин ылбыта. Бу быыстапканан өр кэмҥэ кассирынан үлэлээбит Прокопьева Тамара Иннокентьевна, телеграфистка Ноговицына Галина Егоровна, пекарынан үлэлээбит Кривогорницына Мария Алексеевна уонна Васильева Марфа Афанасьевна, бухгалтер идэлээх Москвитина Матрена Семеновна ахтыыларын эһиги болҕомтоҕутугар таһаарабыт.