Бу күннэргэ түмэл пуондаларын сүрүн харааннааччыта Мария Андреевна Иванова Дьокуускай куоракка суруналыыс Дмитрий Ильич Пухов таҺааттарбыт эпосовед-учуонай Иннокентий Васильевич Пухов туҺунан кинигэтин хос таҺаарыытыгар үлэлэҺэр. Ол курдук, Дьокуускайдааҕы национальнай гимназия эбии үөрэхтээҺинин педагога, олоҥхону уҺуйааччы Мордовская Наталья Иннокентьевна салайыытынан саҥа кинигэҕэ сүрүннээн түмэллэр пуондаларыттан уонна биирдиилээн дьон архыыптарыттан эбии матырыйааллар, хаартыскалар киирэллэрэ күүтүллэр. Наталья Иннокентьевна уонна Мария Андреевна Иннокентий Васильевич сиэн балыстара буолаллар, түмпүт матырыйаалларын электроннай вариаҥҥа киллэрэр үлэни саҕалаатылар. Бу кинигэ эҺиил Иннокентий Пухов 120 сылынан «Выдающиеся люди Республики» серияҕа тахсара былааннанар.
