Улуус түмэлигэр Аҕа Дойду Улуу сэриитин биир кэрдиис кэмэ — Ленинград блокадатын ыар кэмнэрин сырдатар музейнай уруоктар буоллулар. Тэрээһиҥҥэ түмэл үлэһиттэрэ Оксана Прядезникова уонна Сардана Бочкарева Ленинград иһин охсуһууга кыттыбыт кэхтибэт күүстээх санаалаах буойуттар, самныбат санаалаах куорат олохтоохторун тустарынан Мүрү 1 нүөмэрдээх оскуола 3 «В» уонна 7 «В» кылаастарын үөрэнээччилэригэр сырдаттылар. Оҕолор сэрии ыар сылларын туһунан документальнай киинэ көрдүлэр, Ленинград блокадатын сиэртибэлэригэр, манна олохторун толук уурбут буойуттары кэриэстээн кыһыл гвоздикалары оҥордулар.
