Улуу Кыайыы 74 сылын көрсө Бороҕон киин болуоссатыгар «Сэрии уонна Уус-Алдан дьоно» — диэн улуус музейдарын холбоһуктаах быыстапката турда.
2019 сыл улууска Геройдар сылларынан биллэриллэн быйылгы сылга үбүлүөйдээх: Үлэ геройа Д.Г.Бурцев, Гражданскай сэрии геройа Г.В.Егоров, Советскай Союз геройа В.Д.Лонгинов, Россия геройа М.М.Стрекаловскай олохторун, үлэлэрин, бойобуой сырыыларын кэпсиир экспозициялар дьон болҕомтотун тартылар.
Быыстапканы көрбүт ыалдьыттар, геройдар аймахтара бэйэлэрин санааларын этэн, ырытыһан, үйэтитии үлэлэрин турумнастылар.