Саха АССР физическай культура туйгуна, Саха Республикатын үөрэҕириитин туйгуна, Саха Республикатын спордун маастара, РСФСР спордун ветерана Иван Михайлович Жирков төрөөбүтэ 85 сылыгар аналлаах улууспут түмэлигэр ахтыы тэрээһинэ буолан ааста. Бу күн кинини кытары бииргэ алтыспыт үөлээннээхтэрэ, спортка уһуйбут үөрэнээччилэрэ, кэргэнэ Мария Никоновна Жиркова уонна аймахтара ис сүрэхтэриттэн ахтыы оҥордулар. Ону тэҥэ түмэл үлэһиттэрэ бэлэмэнээбит Иван Михайлович Жирков үлэлээн ааспыт кэмин көрдөрөр “Спортивнай албан аат” быыстапканы көрдүлэр. Онно кини муспут улуус биллэр спортсменнарын спортивнай атрибуттара, значоктара, мэдээллэрэ, кубоктара, альбомнара уонна кинигэлэр турдулар. Мария Никоновна махтанан «Уус-Алдан чулуу спортсменнара ХХ үйэҕэ» И.М. Жирков кинигэтин түмэлгэ бэлэх уунна. Күндү улууспут олохтоохторун быыстапканы кулун тутар 31 күнүгэр диэри кэлэн көрүҥ, сэргээҥ диэн ыҥырабыт.
