1945 сыллаахха райсовет исполкомун иһинэн култуура тэрилтэлэрин салайар отдел тэриллибитэ. Ол иннинэ ааҕар балаҕаннары, кулууптары, библиотекалары Үөрэх оройуоннааҕы салаатын иһинэн үлэлиир культпросвет инструктор салайан үлэлэтэрэ. Саҥа тэриллибит политпросвет тэрилтэ сэбиэдиссэйинэн салайар үлэҕэ уопуттаах Федор Дмитриевич Макеевы анаабыттара. Күн бүгүн киэн туттабыт улууспут, өрөспүүбүлүкэбит култууратын сайдыытыгар дьоһун кылааттарын киллэрсибит, улууспут аатын-суолун киэҥ түһүлгэлэргэ дорҕоонноохтук ааттаппыт, үтүмэн үйэлээх үлэлэринэн, талба талааннарынан саха дьонун куттарын туппут биир дойдулаахтарбытынан, айар кэлэктииптэрбитинэн, түмсүүлэрбитинэн. Уус Алдан улууһугар култуура управлениета тэриллибитэ 80 сылыгар аналлаах «Күн эйгэ» култуура декадата кулун тутар 18 күнүгэр, култуура салаатыгар бастыҥнары кэпсиир быыстапканан арылынна. Быыстапканы кулун тутар 28 күнүгэр диэри көрүөххүтүн сөп.
