Муниципальное казенное учреждение "Усть-Алданский историко-краеведческий музей им. Сэһэн Ардьакыап" муниципального района "Усть-Алданский улус (район)"

Музей фондата хаҥатылла турар

Бүгүн музейбыт фондатын хаҥатан Говоров Иван Иванович – Уйбаанабыс сиэннэрэ — Кэбээйиттэн 89 саастаах Анна Петровна Эверстова, Мэҥэ-Хаҥаластан 82 саастаах Мария Егоровна Андреева, Бэйдиҥэттэн Говоров Иван Ефимович, Мүрүттэн Акулина Семеновна, Дьокуускайтан Мария Семеновна, күтүөттэрэ Валентин Иванович Готовцев уонна хос сиэнэ Говоров Владислав Иванович ыалдьыттыы кэлэ сылдьаннар, эһэлэрин мэтириэтин музей фондатыгар туттардылар.

Говоров Иван Иванович – Уйбаанабыс (1884-1960) II Өлтөх нэһилиэгэр төрөөбүт. норуот ырыаһыта, олоҥхоһут, тойуксут. 7 сыл кинээстээбит. Иван Иванович 25 сааһыттан олоҥхолуур буолбутун туһунан фольклорист-учуонай Пухов И.В. бэлиэтээбит матырыйаала национальнай архыыпка харалла сытар. Олоҥхолуурга ийэтиттэн үөрэммит эбит. Уйбаанабыс идэ-дьарык оҥостон олоҥхонон эрэ дьарыктамматах, ол курдук, былыргы олох кэпсээннэрин, үһүйээннэрин табыллан кэпсиир эбит. Ол үһүйээннэрэ Сэһэн Боло «Саха төрүттэрэ уонна кыргыс үйэтэ», «Элиэнэҕэ нуучча кэлиэн иннинээҕи саха олоҕо» диэн кинигэлэригэр киирбиттэр. 1945 сыллаахха Кыайыы ыһыаҕын аспыт алгыһа Г.Эргис «Саха народнай ырыалара» кинигэтигэр киирбит, документальнай кинохроника буолан кыайыы күнүгэр куруутун көстөр.

Иван Иванович Бэрт Ууһуттан төрүттээх Колодезникова Анна Гаврильевнаны кэргэн ылан, сүүрбэттэн тахса оҕоломмуттарыттан тоҕус оҕо тыыннаах хаалан улаатыннарбыттар. Уйбаанабыс 9 оҕотуттан сыдьааннара – 20 сиэн, 43 хос сиэн, 82 хос-хос сиэн, 38 түгэх сиэн төрөөн ууһаан Уус-Алданынан, Мэҥэ-Хаҥалаһынан, Кэбээйинэн, Горнайынан, Дьокуускайынан тарҕанан олороллор.

Добавить комментарий

Ваш адрес email не будет опубликован.

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong> 

Этот сайт использует Akismet для борьбы со спамом. Узнайте, как обрабатываются ваши данные комментариев.